استقالة حب

استقالة حب
كمّلت كلها اوراقي .. وناوي من حُبه استقيل

ناوي عن إعيونه أرحل .. وخل يلاكَيلة بديل

مو اكول انكر احسانه ... طبعي ما انكر جميل

بس نويت اتقاعد اني .. وانهي حُبنا المستحيل

من وزارة حبك اطلع .. بس اريدنّك كفيل

تكفل ايام السهرنه .. وية نسمات العليل

استقالة وبيدك توقّعها لا تطلب احيل

ياوزير الحب اشوفك ... كفّه ميزانك ثكيل

لو عدل تبقى الوزارة .. لو تلاكيلك سبيل

لاتظن الحب تجارة .. تاخذ وتنطي القليل

ولاتظن لعبة المشاعر .. ويّة ميلاتك تميل

عفته دربك وما ارد ارجع بعد

صار ماضي وراح اودعه للابد

وراح اعوفك وبالي صافي

وحتى من ترجع أعوفك مستعد

ياما ضحّيت بحياتي .. وشارعك امشيه طويل

لا رضيت انت تضحي .. ولاشفت منك قبيل

استقاله قررت اكتبها .. ودموعي تسيل

بيها اكتب راح اعوفك .. وكافي اعلنت الرحيل



كافي اعلنت الرحيل